ለፋሲል ከነማ በዛሬው ጨዋታ ሁለት ጎሎችን ያስቆጠረው እና በግሉ ያስቆጠረውን የሊጉን የጎል መጠን ወደ 15 ያደረሰው ሙጂብ ቃሲም ከዛሬው ጨዋታ በኃላ የሚከተለውን ብሎ ነበር ።በቅድሚያ የተሰማውን ደስታ በመግለፅ ይጀመራል ” ያው ደስ ይላል ። በተከታታይ እኔም ሁለት ጎሎች አስቆጥሪያለውና በዚህ ሁለት ጨዋታ ስድስት ነጥብ አግኝተናልም። እናም በጣም ደስ ብሎኛል” ካለ በኃላባለፈው አመት በኮሮና ምክንያት ሲቋረጥ ሊጉን በ14 ጎል እየመራ ነበረ : ዛሬ ይህንን ማለፉን አስመልክቶ የተሰማውን ሙጂብ ቃሲም ሲቀጥል ” አምና በኮሮና ምክንያት ተቋርጦ 14 ጎሎች አግብቼ ነበር ። ዘንድሮም ይህን አልፊያለው። በየዓመቱ መሻሻሌ የተሻለ ጎል ለማስቆጠር ነው። ለዚህም ጥረት እያደረኩ ያለሁት። እናም በጣም ደስ ብሎኛል” ብላል ሙጂብ ከቡድኑ ጋር ሻምፒዮናነት ይታየዋል ለሚለው ጥያቄም ሲመልስ ” አዎ ! በሚገባ። የእኛ የመሪነት ልዪነት 11 ደርሷል ስለዚህ ለዋንጫ ነው እየተጫወትን ያለነው።ሁሉንም ጨዋታ በትኩረት ነው አየተጫወትን ያለነው ለዛም ነው ። ኢንሽ አላህ ጥሩ ነው ” በማለት ገልጿል።በባህርዳር ቆይታቸው ልዩ ትዝታ እንዳለው ለተጠየቀው ” በጣም…ባህርዳር ላይ ብቻም ሳይሆን ጅማም ላይ ያው ትዝታው አለ ። ይህም ያለ መሸነፋችን ነው።ይሄ ሜዳ ደግሞ ከዚህም በፊት የምናውቀው ስለሆነ እንደ ጎንደር ወይም በሜዳችን እንደምንጫወት አድርጌ ነው የማስበውና ጥሩ ትዝታ አለኝ” በማለት ሙጂብ ተናግሯል።
