“ለሀዲያ ደጋፊዎች ትልቅ ክብር አለኝ ፣ለደጋፊዎች ፣ለአሰልጣኞች እና ለተጨዋቾቹ ከልቤ ይቅርታ እጠይቃለሁ ዳንሱ ለ(ጆን) መታሰቢያነት ነበር ” ኤፍሬም አሻሞ

ኤፍሬም :- የደስታ አገላለፄን ምናልባትም በተቃራኒው መንገድ ያዮት ደጋፊዎችና ያዘኑም እንዳሉ ተረድቻለሁ። በዚህ መልኩ ደስታዬን ስገልፅ የመጀመሪያ አይደለም። ከዚህ በፊትም ደደቢት ሆኜ በተመሳሳይ መልኩ ይህንኑ አድርጊያለሁ። በወቅቱ ያን ሳደርግ ማንም በተለየ መልኩ አልወሰደውም። አሁን ላይ በዚህ መልኩ መተርጎሙ አስደንግጦኛል። እኔ ከሀዲያ ሆሳዕና አሰልጣኝ እና ቡድኑ ጋር ምንም ሊያገናኝ የሚችል ነገር የለውም።

ኤፍሬም :- ከሀዲያ ጋር በነበረን ጨዋታ ጎል አስቆጥሬ የደነስኩት ዳንስ የምወደውን ውሻ ለማስታወስ ነበር ። የምወደው ውሻዬ -ጆን ከሞተ ከሶስት ዓመት በፊት ሲሆን እኛ ሀገር የውሻ ህክምና ብዙም ስላሌለ በመረዝ ምናምን ነው ውሻዬን የገደሉት። በእርግጥ እኛ ሀገር ለውሻ የሚሰጠው ክብር ምንም አይደለም። ውሻ በብዙ መልኩ ታማኝ እና የሰውን ህይወት ሲያተርፍ ፣ብዙ ነገሮች ሲያደርግ በጥሩ ታማኝ ጓደኛነትም  ይታወቃል ። የእኔም ውሻ ጆን ይባላል። እናም የምወደውን ውሻዬ (ጆን )ከሞተ በኋላ በየዓመቱ ትዝ ስለሚለኝ ፣ ጎል ሳገባ ለእሱ መታሰቢያ እንዲሆን ነው ዳንሱ እንጂ ሌላ ምንም ትርጉም የለውም።

ኤፍሬም :- ኸረ በጭራሽ ! ሲጀምር እኔ እራሴ ቤተሰቦቼ ሀዲያ ናቸው ፣ የዘር አረጌ ሀዲያ ነው። በርግጥ ተወልጄ ያደኩት ሀዋሳ ቢሆንም አባቴ ሀዲያ ነው ። ለሀዲያ ህዝብና ለክለቡ እጅግ ሲበዛ ትልቅ ክብር አለኝ። ስለዚህ ከክለቡ ጋር ምንም የሚያገኘው ነገር እንደሌለ ደጋግሜ ለመናገር እፈልጋለሁ። ከአሰልጣኙ ወይም ከቡድኑ ጋር ምንም የሚያገናኝ ነገር የለም። በየዓመቱ ጎል ሳስቆጥር ቀን አለው ፤ በአጭሩ የሞተውን ውሻዬን ለማስታወስ ብዬ ነው እንጂ ፡ የሀዲያ ሆሳዕና ደጋፊዎችንና ተጨዋቾችን ለማንቋሸሽ አስቤ እንዳልሆነ እንዲረዱልኝ እጠይቃለሁ።በአንዳንድ ሰዎች ከተጋጣሚ ቡድን ጋር ለማጋጨት የሚደረጉት ጥረቶችን አይቼ እጅግ ከልቤ አዝኛለው። ለሀዲያ ቡድን ተጫዋች እንዲሁም ደጋፊዎች ትልቅ ክብር አለኝ።

ኤፍሬም -;- ለክለቡም ለአሰልጣኝቹ እና ለተጨዋቾቹም ከፍተኛ ክብር አለኝ ።በእንደዚህ አይነት ወቅት እንደዚህ ዓይነት ስሜት ውስጥ ሆነው ይህን በማድረጌ ስህተት ነው ። ይሄ ነገር መግነኑ ትንሽ እነሱን ያስቆጣ ስለሆነ ለዚህ ደግሞ  ለክለቡም ፣ ለአሰልጣኝቹ እና ለተጨዋቾቹም ከልቤ ይቅርታ እጠይቃለሁ። ግን በወቅቱ ያ ነገር ውሻዬን (ጆን) መታሰቢያነት ስለመጣለኝ ለማድረግ በሚል ብቻ መሆኑን እንዲረዱልኝ እጠይቃለሁ።

ኤፍሬም -: አዎ ! እኔ የምወደውን ውሻዬ- ጆንን ለማስታወስ ስለፈለኩ እንጂ ሌላ ነገር አልነበረም። ቢሆንም ደጋፊው እና ክለቡን ይቅርታ እጠይቃለሁ። እኔ በመደነስ እና ሌላ ነገሮች በማድረግ እንደምታውቅ የኢትዮጵያ የስፓርት አፍቃሪ ያውቃል። ደጋፊዎች በሌላ እንዳይወስዱብኝ በድጋሚ ይቅርታ እጠይቃለሁ።